Karantin postunu torpaq yolla keçməyə çalışan şəxs saxlanılıb - VİDEO

Bu gün Baş Dövlət Yol Polisi İdarəsinin Yol Patrul Xidməti Alayının 3-cü tağımının və Çevik Polis Alayının əməkdaşları karantin postundan keçməyə cəhd göstərən Mikayılov Şəmşad Vəkil oğlunu saxlayıblar. Avtosfer.az xəbər verir ki, ona xəbərdarlıq edərək geri qaytarıblar. Lakin Şəmşad Mikayılov torpaq yolla karantin postunu yenidən keçməyə cəhd edərkən saxlanılıb. 
Şamaxı rayon qeydiyyatında olan vətəndaş dindirmə zamanı Bakıda olan evinə getmək istədiyini bildirib. Eyni zamanda polis postunda ciddi nəzarət olduğunu da ehtimal etmədiyini qeyd edib. 
Ona İnzibati Xətalar Məcəlləsinin müvafiq maddəsi ilə cərimə tətbiq edilib. Videonu təqdim edirik:

Orxan