Narkotik çəkib, sərxoş halda maşın sürən şəxs SAXLANILDI - FOTO

Baş Dövlət Yol Polisi İdarəsinin Xüsusi Taqımının əməkdaşları tərəfindən həyata keçirilən nəzarət-profilaktik tədbirlər çərçivəsində Paytaxtın Sabunçu rayonunda nəqliyyat vasitəsini narkotik maddənin təsiri altında sərxoş halda idarə edən sürücü aşkarlanıb.

Avtosfer.az xəbər verir ki, bu barədə Baş Dövlət Yol Polisi İdarəsinin şöbə rəisi Rövşən Tağıyev məlumat verib.

“Araşdırma zamanı "KİA CEED" markalı 99-DP-530 dövlət nömrə nişanlı avtomobilin sürücüsü Xırdalan şəhər sakini İsgəndərov Fərman Tərlan oğlunun il ərzində ikinci dəfə avtomobili sərxoş halda idarə etməsi müəyyən olunduğundan barəsində Azərbaycan Respublikası İnzibati Xətalar Məcəlləsinin 333.2-ci maddəsi ilə inzibati xəta haqqında protokol tərtib edilərək toplanmış materiallar baxılması üçün Məhkəməyə göndərilib”, - R.Tağıyev qeyd edib.