Piyadvurmalara qarşı yeni ideya: qəzalardan qoruya bilər - VİDEO
Yol-hərəkəti təhlükəsizliyinə cavab verən ixtira sosial şəbəkələrdə alqışla qarşılanıb. Avtosfer.az xəbər verir ki, maraqlı ideyanın ixtiraçısı xarici deyil, Azərbaycan vətəndaşıdır.
Videodan da göründüyü kimi avtomobilin arxa tərəfində yanan işarə dalda dayanan maşınlar üçün məlumatlandırıcı funksiya daşıyır. Belə ki, sürücülər əyləci basaraq piyalara yol verdiyi zaman arxa şüşədə yaranan görüntü avtomatik avtomobil idarəçilərinə xəbərdarlıq edir.
Xüsusilə səbrsiz sürücülər üçün münasib olan bu işarə mənasız siqnal səslərinin qarşısını almaqda da mükəmməl vasitə ola bilər. Eyni zamanda avtomobil məsafəsinin qorunub saxlanmasında və qəzaların qarşısının alınmasında da önəmli rol oynaya bilər.
Qeyd edəki ki, ixtirayla bağlı məlumatlandırıcı videonu Bakı Dövlət Yol Polisi İdarəsinin şöbə müdiri Rövşən Tağıyev şəxsi facebook hesabında paylaşıb.
Nurlan