Polis Akademiyasının əməkdaşları Gəncə şəhərində şagirdlərlə görüş keçirib - FOTO

Tədbirdə Daxili İşlər Nazirliyinin Polis Akademiyasının və Gəncə şəhər Baş Polis İdarəsinin əməkdaşları, eləcə də müəllim və XI sinif şagirdləri iştirak edib.

Akademiyanın Krimanilsitika kafedrasının rəisi, polis polkovnik-leytenantı Orxan Yaqublu ali təhsil almaq arzusunda olan abituriyentlərə Polis Akademiyası barədə ətraflı məlumat verib, ölkəmizin qocaman təhsil müəssisəsinin savadlı kadrların yetişməsində, daxili işlər orqanlarının hüquqşünaslarla təmin olunmasında mühüm rol oynadığını diqqətə çatdırıb. Akademiyaya kursant qəbulu qaydaları ilə bağlı abituriyentlərin suallarını cavablandıran kafedra rəisi orada gənclərimizin hərtərəfli inkişafı üçün yaradılan müasir şərait, zəngin kitabxanalar, xarici dil kursları, laboratoriyalar, yataqxanalar, idman və atıcılıq yerləri, habelə asudə vaxtlarının səmərəli təşkili məqsədilə görülən işlər barədə danışıb.

Sonda məktəblilərə Polis Akademiyasındakı tədris prosesinə həsr olunmuş videoçarx göstərilib və iştirakçıları maraqlandıran suallar cavablandırılıb.