Qaxda polislər qanvermə aksiyasına qoşulublar - FOTO

Qax rayonunda könüllü qanvermə aksiyası keçirilib.

Bu barədə Daxili İşlər Nazirliyinin (DİN) Mətbuat Xidmətinin Şəki regional qrupundan məlumat verilib.

Bildirilib ki, Rayon Mərkəzi Xəstəxanasında keçirilən aksiyada yerli idarə, müəssisə və təşkilatların kollektivləri ilə yanaşı Polis Şöbəsinin əməkdaşları da fəal iştirak ediblər. 

Belə ki, B.Eyvazov adına Elmi-Tədqiqat Hematologiya və Transfuziologiya İnstitutunun nəzdindəki Mərkəzi Qan Bankının həkim-hemotoloqları tərəfindən hər bir donorun sağlamlığı aksiyadan əvvəl yoxlanılıb.

Müayinə nəticəsində sağlamlığı buna imkan verən şəxslər qan vermək üçün aksiyada iştirak ediblər.