Vəsiqəsi olmadan sərxoş halda maşın sürən şəxs həbs edildi - FOTO

Paytaxt sakini Xaliq Əliyev sərxoş vəziyyətədə avtomobil idarə etdiyi üçün həbs olunub. Avtosfer.az xəbər verir ki, o, avqust ayının 3-də səhər 8:00 radələrində, Sabunçu rayonu, Balaxanı qəsəbəsi ərazisində 90 EB 528 dövlət nömrə nişanlı, "BMW" markalı avtomobil ilə hərəkətdə olarkən yol polisləri tərəfindən saxlanılıb.  Tibbi müayinə zamanı onun ağır dərəcəli sərxoş olduğu və sürücülük hüququ olmadığı müəyyən olunub. Sürücü barəsində toplanmış materiallar aidiyyəti üzrə Sabunçu rayon məhkəməsinə təqdim edilib. Məhkəmənin qərarı ilə Xaliq Əliyev 5 gün müddətində inzibati qaydada həbs olunub.

Fərid