Sumqayıtda xüsusi karantin rejimini pozan sürücülərin sayı açıqlanıb

Sumqayıt şəhərində xüsusi karantin rejimi qaydalarını pozan nəqliyyat vasitəsi sürücülərinin sayı açıqlanıb. 

Avtosfer.az-ın məlumatına görə Sumqayıt şəhər Dövlət Yol Polisi Şöbəsindən APA-ya bildirilib ki, xüsusi karantin rejimi tətbiq olunandan bu günədək 1334 nəqliyyat vasitəsi ilə hərəkətdə olan şəxs barəsində inzibati protokol tərtib edilib. 

Hərəkət iştirakçıları İnzibati Xətalar Məcəlləsinin 211-ci maddəsininin tələblərinə əsasən 100 AZN məbləğində cərimələniblər. 

Qeyd edək ki, Sumqayıtın giriş-çıxışlarında postlar qurulub. Bununla yanaşı, şəhərin daxilində yol polisi əməkdaşları tərəfindən hərəkətdə olan nəqliyyat vasitələri  yoxlanılır.