Sumqayıtda yol polisi qayda pozan xanım sürücüləri sevindirdi - FOTO

Bu gün Sumqayıt şəhər Polis İdarəsinin Dövlət Yol polisi Şöbəsinin əməkdaşları şəhər ərazisində maraqlı  reyd keçiriblər. Reyd zamanı  xanım sürücülər və piyadalar saxlanılsa da, onlara cərimə yazılmayıb. Avtosfer.az xəbər verir ki, DYP əməkdaşları xanım sürücü və piyadalarla maarifləndirici söhbətlər apararaq onları yol hərəkəti qaydalarına pozmamağa dəvət edib, qayda pozuntusunun insan faciəsinə səbəb ola biləcəyəni diqqətə çatdırıblar. Daha sonra isə xanım sürücü və piyadalara DYP tərəfindən gül  və hədiyyələr verilib.  
Bununla yanaşı, polis əməkdaşları şəhərin təmizliyi ilə məşğul olan xanımları da unutmayıblar. Onlar da göstərilən diqqətdən razılıq ediblər. Ümumilikdə reyd zamanı 20-yə yaxın xanımın 8 Mart Beynəlxalq Qadınlar günü təbrik edilib və gələcək işlərində uğurlar arzulanıb. Tədbirdə yol polisin əməkdaşları ilə yanaşı, uşaqlardan ibarət polis qrupu da iştirak edib.
Sumqayıt şəhər Polis İdarəsi Dövlət Yol Polis şöbəsindən  bildirilib ki, hər il olduğu kimi, bu il də ənənəvi Sumqayıtda xanım sürücülərlə bağlı belə bir tədbir keçirilib .

Zaur