Yol polisi 3746 piyadanı cərimələyib

“Hadisələrin növünə görə təhlil aparıldıqda görürük ki, qəzalarda piyadaların vurulması ümumi hadisələrin təxminən 58.6%-ni təşkil edir ki, bu da çox ciddi narahtlıq doğurur.”

Bunu Avtosfer.az-a açıqlamasında Bakı Şəhər Dövlət Yol Polisi İdarəsinin şöbə rəisi polis polkovniki Vaqif Əsədov deyib. O, bildirib ki, 2020-ci il dekabrın 1-nə qədər olan yol nəqliyyat hadisələrinin 18-i piyadalar tərəfindən yol hərəkəti qaydalarının pozulması nəticəsində baş verib. “Piyadaların məsuliyyətə cəlb edilməsi istiqamətində 3746 inzibati protokol tərtib edilib və onların nizam-intizamının artırılması məqsədi ilə təbliğat xarakterli tədbirlər keçirilib”.