Yol polisi postlarda sürücüləri saxlayaraq bunları dedi  - FOTO - VİDEO

Baş Dövlət Yol Polisi İdarəsi bayram öncəsi stasionar postlarda təbliğat xarakterli tədbirlər həyata keçirib.

Avtosfer.az xəbər verir ki, tədbirin məqsədi uzaq səfərə çıxan sürücülər arasında yol hərəkəti qaydalarını təbliğ etmək, yollarda nizam-intizamın qorunmasını təmin etməkdir. 
Tədbir zamanı Baş Dövlət Yol Polisi İdarəsinin əməkdaşları - polis kapitanı Toğrul Nəsirli, polis leytenantı Elvin Hacıyev sürücülərlə profilaktik söhbətlər aparıb, onlara qaydaları izah edib. Dialoq zamanı sürücülərin istirahət etməsi üçün postlara yaxınlaşaraq fasilə vermələri və daha sonra yollarına davam etmələri qeyd olunub. Belə ki, sürücülər zəruri hallarda (yorğun, yuxusuz olduqda) qurulan postlara yaxınlaşıb qısamüddətli istirahət edə bilərlər.
Qeyd edək ki, tədbirin sonunda BDYPİ-nin hədiyyələri sürücülərə və onların sərnişinlərinə, xüsusilə də uşaqlara təqdim edilib.

Nərmin Əkbər