AvtoVAZ şirkəti "Lada Niva" modelinin növbəti nəslinin debüt tarixini açıqlayıb

Rusiyanın AvtoVAZ şirkəti bayram öncəsi mətbuat açıqlamasını yayaraq, Lada Niva Legend (4x4) modelinin növbəti nəslinin debüt tarixini rəsmi olaraq açıqlayıb. Şirkətin rəhbəri Nikolya Mor əvvəllər Niva modelinin çoxdan gözlənilən nəsil dəyişikliyinin 2024-cü ilin sonunda baş verəcəyini bildirmişdi. Bununla yanaşı, Lada özünün model xəttini “dörd tamamilə yeni modellə” tamamlamağı planlaşdırır: 2023-cü ildə B seqmentindən olan iki model, 2025-ci ildə isə C seqmentindən olan naməlum krossover debüt etməlidir.

 Yeni nəsil Lada Niva modeli Renault qrupunun CMF-B platformasında inşa ediləcəkdir. Xatırladaq ki, üçüncü nəsil Sandero və Logan modelləri də bu platformaya əsaslanırlar. Üstəlik, 2025-ci ilə qədər CMF-B platforması Dacia və Lada modelləri üçün ümumi olmalıdır. AvtoVAZ şirkəti yeni Niva Legend modelinin ofroud qabiliyyətlərinin Land Rover Defender modeli ilə müqayisə edilən olacağını bildirib. Yeni Niva hündür klirensə malik olacaq və azaldığı pilləsi olan tam ötürmə sistemi ilə təchiz ediləcəkdir.

İlkin məlumatlara görə, birinci 4280 millimetrlik uzunluğa, 2600 millimetrlik təkər bazasına malik olan beşqapılı versiya debüt edəcəkdir. Onun ardınca uzunbazalı versiya peyda olacaqdır ki, Mor bu ofrouderi Lada Grand Niva adlandırıb. Grand Niva modelinin təqdimatının 2026-cı ildə keçiriləcəyi gözlənilir.

AvtoVAZ şirkəti yeni Lada Niva Legend modelinin hər iki versiyasını – həm standart, həm də uzunbazalı versiyanı Avropada satmağı planlaşdırır. Şirkət rəhbərinin ilkin qiymətləndirməsinə görə, “qısa” ofrouderin qiymətinin 12-16 min avro arasında, Grand Niva modelinin isə 20 min avro olacağı gözlənilir

autograph.az