“Honda” və “Nissan” 2026-cı ildə ortaq şirkət qura bilər

Avqust ayından etibarən görüşmələrə davam edən “Honda” və “Nissan”dan ilk addım gəldi. Artıq “Honda” və “Nissan”, ortaq bir şirkət qurmaq yolunda ən böyük addımlardan birini atdı. Altı ay davam edəcək görüşmələr müsbət keçərsə, iki böyük Yapon istehsalçı 2026-cı ildən etibarən yollarına tək bir adla davam edəcək.

Saziş, “Nissan”ın hal-hazırda ortağı olan “Mitsubishi”ni də əhatə edəcək. “Honda”, qurulacaq yeni şirkətin istiqamətini müəyyən edəcək şirkət olacaq. Bununla birlikdə yenə “Honda”nın idarə heyətindəki oturacaqların böyük bir hissəsini dolduracağı və ən yuxarıdakı şəxsin də “Honda” daxilindən seçiləcəyi deyilir.

Əgər 2026-cı ildə bu ortaqlıqla bağlı sənəd imzalanarsa, dünyanın üçüncü böyük istehsalçısı meydana çıxacaq. Yeni Yapon ortaqlığı, 50 milyard dollarlıq həcmi ilə “Volkswagen” və “Toyota”dan sonra yer alacaq.

Şirkətlərin yaydığı bildirişdə məqsədin qlobal rəqabət mühitinə daxil olmaq olduğu vurğulanıb. Eyni şəkildə meydana çıxacaq istehsalçı, çox daha diqqətçəkici məhsullar istehsal edəcək və istifadəçilərə təqdim ediləcək xidmətin keyfiyyəti də artırılacaq.

Proqnozlara görə, “Honda” və “Nissan”nın  ortaqlığının 2025-ci ilin iyun ayına qədər tamamlanması gözlənilir. Artıq “Honda” CEO'su Toshihiro Mibe də, birleşmənin hələ rəsmi status qazanmadığını vurğulayaraq "qararın həyata keçməməsi ehtimalı sıfır deyil" açıqlamasını vermişdir.