"Hyundai Tucson" krossoveri də XRT versiyasına sahib olub
Avtodünya 7 Dekabr 2021 17:00 Oxunub 456
"Hyundai Tucson" krossoveri də XRT versiyasına sahib olub

Hyundai Santa Fe modelinin ardınca Tucson krossoveri də XRT “yolsuzluq” versiyasına sahib olub. Belə versiyadan olan krossoverlər tündləşdirilmiş optikası, qara rəngli moldinqləri və yan güzgüləri, eksklüziv dizaynı olan təkər diskləri, kandarları, reylinqlər üçün köndələn dayaqları və farkopu ilə seçilirlər. XRT tərtibatı SEL təchizat səviyyəsinə əsaslanır və yalnız hibrid olmayan krossoverlər üçün nəzərdə tutulur. Ötürmə - önə və ya tam ola bilər. Belə krossoverlərin qiyməti 32.625 ilə 34.125 dollıar arasında dəyişir.

Cari Hyundai Tucson modeli ABŞ-da dörd təchizat səviyyəsində təklif olunur: SE – 25.350 dollara, SEL – 26.650 dollara, N Line 30.750 dollara və Limited – 34.850 dollara. XRT versiyası SEL təchizat səviyyəsinə əsaslanır və Convenience paketi ilə tamamlanır. Paketin tərkibinə 10,25-düymlük rəqəmsal cihazlar paneli, simsiz şarj meydançası, baqaj qapısının elektrik ötürməsi, ikizonalı klimat-kontrol və panoram dam daxildir. Eksteryerdəki fərqlər “yolsuzluq” dekorundan və eksklüziv dizaynı olan 19-düymlük disklərdən ibarətdir.

Tucson XRT modeli kuzovun rənglənməmiş plastikdən hazırlanış müdafiə qurşağına malikdir. Bundan başqa, ön və arxa bamperlərin örtmələri dəyişdirilmiş, işıq texnikası tündləşdirilmişdir. Krossoverin təchizatına yan ayaqaltılar, reylinqlər üçün köndələn dayaqlar və farkop daxil edilib.Salon tamamilə qara rəngdədir, parça ilə örtülmüş oturacaqlara və qara tavana malikdir. Kapotun altında 190 at qüvvəsi və 241 Nm fırlanma anı hasil edən 2,5-litrlik GDI benzin mühərriki yerləşir. Güc aqreqatı 8-pilləli Shiftronic “avtomatı” ilə tandemdə çalışır.

Tucson XRT modelinin ön ötürməli versiyası üçün 32.625 dollar, HTRAC tam ötürməsi ilə təchiz edilmiş krossover üçün isə 34.125 dollar tələb olunur.

ŞƏRH YAZ
Ad

E-mail

Şərh