"Jeep Grand Cherokee" modeli ön sərnişin displeyini alıb

Yeni nəsil Jeep Grand Cherokee modeli bu ilin yanvarında debüt edib, buna baxmayaraq, amerikan istehsalçısı onun üçün ilk təkmilləşdirməni hazırlayıb: indi modeli ön sərnişin üçün nəzərdə tutulmuş ekranla sifariş etmək olar. Sensorlu ekran Grand Wagoneer modelində olduğu kimi, ön panelin sərnişin təfəfindəki hissəsinə quraşdırılır. Taçskrinin ölçüsü 10,25 düym təşkil edir - onun köməkliyi ilə audiosistemi və naviqasiyanı idarə etmək, habelə bort kameralarından ötürülən görüntüləri çıxarmaq olar.

Mopar Insiders nəşrinin bildirdiyinə görə, Jeep Limited, Overland və Summit təchizat variantlarının avadanlıq siyahısına məlumat-əyləcə kompleksinin arxa sərnişinlər üçün nəzərdə tutulmuş displeylərini və 9 giqabayt tutumu olan yaddaş diskini əlavə edəcəkdir.

Bundan başqa, Grand Cherokee modelinin rəng palitrasına Ember və Midnight Sky (Limited, Overland, Summit və Summit Reserve), habelə Hydro Blue (Overland, Summit və Summit Reserve) rənglərini daxil edib. İki tərtibat paketi – Limited Black və Summit Hide Altitude, - dəstləri də peyda olublar. Onlar radiator barmaqlığı, parlaq qara emblemləri, özünəməxsus 20 və21 düymlük diskləri ilə seçilirlər.  

autograph.az