Kamaz 2021-ci ilin sonuna qədər təxminən 250 milyard rubl gəlir gözləyir

Kamaz şirkətinin baş direktoru Sergey Koqoqin bildirib ki, Kamaz 2021-ci ilin sonuna qədər gəlirinin 250 milyard rubla qədər artacağını gözləyir.

“Kamazın ambisiyaları kifayət qədər ciddidir, əgər bu il təqribən 250 milyard rubl dövriyyə gözləyiriksə, gələn il də dövriyyəmizi kifayət qədər artırmaq istəyirik”, - Koqogin bildirib.

2020-ci ilin sonunda Kamaz qrupunun konsolidasiya edilmiş gəliri 216,96 milyard rubl təşkil edib ki, bu da 2019-cu illə müqayisədə 12% çoxdur. 2020-ci il üçün xalis mənfəət 3,104 milyard rubl təşkil edib.  

Kamaz Rusiyanın ən böyük yük avtomobilləri istehsalçısıdır, dünyanın iyirmi aparıcı istehsalçısından biridir. Şirkət yük maşınları, qoşqular, avtobuslar, mühərriklər və güc blokları istehsal edir.

Kamaz-ın ən böyük səhmdarları Rostec (49,9%) dövlət korporasiyası, Avtoinvest (23,54%) və Almaniyanın Daimler avtokonserninin törəməsi Daimler Truck-dır (15%).