"Toyota GT3" kateqoriyası üçün hazırladığı yeni yarış avtomobilini nümayiş etdirib

Avtodünya 18 Yanvar 2022 16:26 Oxunub 874
"Toyota GT3" kateqoriyası üçün hazırladığı yeni yarış avtomobilini nümayiş etdirib
WhatsApp kanalımıza abunə ola bilərsiniz

Bu gün Gazoo Racing bölməsi Toyota şirkətinin idman proqramını fəal şəkildə dəstəkləyir və şəxsi komandalara iki avtomobili təklif edir: GR Supra GT4 və Lexus RC F GT3. Sonuncu 2017-ci ildən amerikan IMSA Weather Tech SportsCar, yapon Super GT və Super Yaikyu, habelə Asiyada Thailand Super Series çempionatlarında iştirak edir. Bu isə artıq onun dəyişdirilməsinin labüd olduğuna işarə edir və böyük ehtimalla, bu vəzifə Tokyo avtosalonunda debüt etmiş GT GT3 sportkarına həvalə olunacaqdır.

Doğrudur, GR GT3 hələlik konsept statusundadır və onun xarakteristikaları açıqlanmayıb. Gazoo Racing bölməsinin dərc etdiyi mətbuat açıqlamasında yarış avtomobilinin sıfırdan yaradılacağı bildirilib - yəni, bölmə seriya modellərinin yarış avtomobilinə çevirdilməsi praktikasına son verir. Bundan başqa, şirkət idman müştəri proqramını genişləndirməyi, toplanmış təcrübə və bilikləri GT3 kateqoriyasından olan bolidlərin və yol avtomobillərinin inşa edilməsinə yönəltməyi nəzərdə tutur.

Gazoo Racing bölməsinin prezidenti Kodzi Sato GR GT3 modelinin ilk prototipinin 2022-ci ilin sonuna qədər hazır olacağını bildirib. Bu halda yarış avtomobilinin satışlarının 2024-cü ilə yaxın başlanacağını gözləmək olar, çünki GR GT3 sportkarı həmin il FIA WEC çempionatının GT3 kateqoriyasında debüt etməlidir. Bu kateqoriya iki sinifi - GTE Pro və GTE Am kateqoriyalarını əvəzləyəcək və daha çox çəxsi komandaları cəlb edəcəkdir. Lakin zavod komandaları bu kateqoriyada rəsmi olaraq iştirak edə bilməyəcəklər. 

Artıq qeyd etdiyimiz kimi, GR GT3 modeli barədə təfərrüatlar açıqlanmayıb. Müqayisə üçün, Lexus RC F GT3 500 at qüvvəli 5,4-litrlik V8 mühərriki və 6-pilləli sekvental ötürmələr qutusu ilə təchiz olunurdu. Kuzov panellərinin bir hissəsinin və salondakı elementlərin karbonplastikdən hazırlandığını nəzərə alsaq, yaarış avtomobilinin çəkisi cəmi 1300 kiloqram təşkil edir. Xatırladaq ki, adi kupenin çəkisi 1700 kiloqramdır. 

ŞƏRH YAZ
Ad

E-mail

Şərh