Avtobus sürücüsündən etiraf: «20 qəpiyə görə ötüşmüşəm» - Ötüşmə VİDEOsu

Bakıda 20 nömrəli marşrutda hərəkət edən avtobusun sürücüsü təhlükəli manevr edərək qəza şəraiti yaradıb. Avtobus «Kukla teatrı»nın yaxınlığında dayanacağa 5-10 metr qalmış ən sol zolaqdan sağ zolağa çıxır. Belə olanda həm sağdakı avtobus, həm də videoregistratorun olduğu avtomobili üçün təhlükə yaranır. Videonu Avtosfer.az-a göndərən oxucu bildirib ki, hər iki avtobus onu sıxaraq təhlükəli vəziyyət yaradıblar.

Məlum məsələdir ki, Bakıda ötüşərək təhlükəli manevr edən avtobuslar kifayət qədərdir. Bunu sərnişinlər də təsdiq edir. Ekspertlər deyirlər ki, əsas problem sahibkarlar tərəfindən plan qoyulmasıdır. Bunu elə avtobus sürücüləri özləri də etiraf edirlər. Sürücülərin 20 qəpik uğrunda mübarizələrinə son qoymaq üçün stabil əməkhaqqı rejimininə keçməyi tezləşdirmək lazımdır.