Azərbaycanın da təmsil olunduğu turun iştirakçıları Myanmaya çatıb - FOTO

Müxtəlif ölkələrdən olan avtomobil həvəskarlarından ibarət qrup “Dünya bizimdir” adlı ekspedisiya çərçivəsində artıq Myanma Birliyi Respublikasına çatıb. Azərbaycan Avtomobil Federasiyasından Avtosfer.az-a verilən məlumata görə, 13 nəfərlik heyətdə Azərbaycan Avtomobil Federasiyasının dəstəyi ilə ölkəmizin “Offroad” klubu da təmsil olunur.

Qeyd edək ki, Myanma Birliyi Respublikası yaxın vaxtlara qədər öz avtomobili ilə səyahət edən turistlər üçün bağlı idi. Rusiyalı Aleksey Kamerzanovun rəhbərlik etdiyi ekspedisiya bu qadağanın ləğvindən sonra ölkəyə gələn ilk avtomobilli turistlər olub.

Xatırladaq ki, “Dünya bizimdir” adlı ekspedisiya 2015-ci ilin iyun ayında start götürüb. Səyahətçilər 5 qitədə 50 ölkə üzrə yürüş etməyi nəzərdə tutur. Ekspedisiyanın oktyabrda başlayan ikinci mərhələsində iştirakçılar Hindistan, Pakistan, İran və Azərbaycandan da keçməyi planlaşdırırlar.

Emin