Bakıda 1 manatlıq taksilər; onlara maraq böyükdür - VİDEO

Axşam saatlarında paytaxtdakı bəzi metrostansiyalarının qarşısından səs-küydən keçmək olmur. Bu səs-küyü salanlar isə Bakı ətrafı kənd və qəsəbələrə ucuz qiymətə müştəri aparan taksi sürücüləridir. Belə sürücülər tez müştəri tapmaq üçün səslərinin çıxdığı qədər qışqırırlar. Belə taksilərdən istifadə edənlərin sayı isə az deyil. Əllərini yuxarı qaldıraraq diqqət çəkir, gedəcəyi istiqamətin və boş yerlərin sayını uca səslə deyirlər. Diqqət çəkmək üçün hətta avtomobilin qapısında oturaraq müştəri çağıran sürücülər də var. Görüntülər metronun "Əhmədli" stansiyasının ətrafındandır. Belə taksilərin qiyməti baha olmadığına görə müştəriləri də kifayət qədər var. Xüsusən də pik saatlarında avtobusda sıxlıq olduğundan bu taksilərə üstünlük verənlərin sayı artır. Eyni mənzərə axşam saatlarında metronun "Qara Qarayev", "Koroğlu", "Ulduz" və "20 Yanvar" stansiyalarının ətrafında da müşahidə olunur.