Bütün stereotipləri dağıdan körpü hazırlandı - VİDEO

Çinin Hubey vilayətində “su üzərində ekoloji yol” adlı qəribə körpü tikilib. Mərkəzi Çinin Hubei əyalətində Xinqşanq vilayətini Zaojun körpüsü ilə birləşdirən yeni yolun açılışı olub. 10 km-lik magistralın 4,4 km-lik hissəsi hündür körpünün üzərində inşa edilib və çay boyunca uzanır. Yeni marşrut Xinqşandan “Yiba Expressway”ə qədər olan yola sərf olunan vaxtı 20 dəqiqə azaldır və möhtəşəm mənzərə sərnişinlərin zövqünü oxşayır. Səfər 1 saat boyunca enişli-yoxuşlu və dolanbac yollarla davam edir.

Layihə meneceri Çen Xinqdanın verdiyi məlumata görə ilk dəfə 2013-ci ildə təklif olunan yol üçün üç müxtəlif marşrut nəzərdə tutulmuşdu. Marşrutlardan ikisi həmin ərazidəki dağlarda tunel qazılaraq həyata keçirilməli, üçüncü, ən uzun yol isə suyun üzərində inşa edilməli idi. Layihə mühəndisləri dağlardakı zəngin bitki örtüyü olan meşəni qorumaq üçün üçüncü marşrutu seçdi.

Bu seçimin edilməsində yerli əhalinin ekologiyaya vurulacaq zərərlə bağlı etirazlarının da rolu böyük oldu. Layihəni hazırlayanlar bunun Çində ilk "su üzərində ekoloji yol" olduğunu iddia edir.

Qeyd edək ki, yolun salınması 2 milyon yuana (320,000$) başa gəlib, digər işlərə isə 4,4 milyon yuan (700,000$ ) pul xərclənib.