Nəqliyyat qoçularının «Forsaj» kinosu – ŞOK VİDEO

Facebook sosial şəbəkəsində nəqliyyat müfəttişlərinin yenə də özbaşına fəaliyyət göstərdikləri barədə video yayılıb. "Sancaq” qrupunda yayılan videoda Nəqliyyat Nazirliyinə məxsus iki avtomobilin bir yük maşınını təqib etdiyi görünür. Müfəttişlər maşını saxlaya bilmirlər. Videonun oktyabrın 14-də çəkildiyi bildirilir. Həmin dövrdə isə artıq nazirlik müfəttişlərindən səlahiyyət alınmışdı.

Məsələni dəqiqləşdirmək üçün Nazirliklə əlaqə saxladıq. Qurumun rəsmisi Namiq Həsənov baku.ws-ə bildirib ki, adətən belə videolar köhnə olur: "Mən dəqiqləşdirəcəyəm ki, video həqiqətən nə vaxt çəkilib. Biz hazırda müfəttişlərin fəaliyyətini dayandırmışıq. Lakin müfəttişlərdən səlahiyyətlər tam alınmayıb. İndi onların səlahiyyətləri müəyyənləşdirilir”, - deyə Namiq Həsənov bildirib.