Özlərini maşına çırpıb sürücüləri şərləyənlərdən növbəti VİDEO

Bir neçə gün əvvəl dünyanın müxtəlif ölkələrində özlərinə maşınların altına atıb, maşınlara çırpıb sürücüləri şərləyən və bu yolla da onlardan pul qoparan şəxslərlə bağlı video yaymışdıq. Bu dəfə həmin videonun davamı olan görüntüləri təqdim etmək qərarına gəldik. Məqsəd odur ki, Azərbaycanda da belə halların baş verməsi barədə xəbərlər narahatlıq doğurur və bu cür insanlara qarşı mübarizənin əsas qaydasına əməl edək. Burada ilk növbədə avtomobilə videoqeydiyyat cihazının quraşdırılmasından söhbət gedə bilər. Videodan da göründüyü kimi, baş vermiş hadisələrin üstü elə avtomobildəki videoqeydiyyat cihazının görüntüləri əsasında açılıb. Yəni, özünü maşının altına atıb pul qazanmağa çalışanları videogörüntülər vasitəsilə ifşa ediblər. 

Avtosfer.az bildirir ki, əksər ölkələrdə insanların fərdi sığortasi var və belə qəzalarda sığorta vətəndaşa pul ödəyir. Bu görüntüləri də sığorta şirkətləri hazırlayaraq dünyaya yayır ki, insanları bu əməllərdən çəkindirsinlər.

Cavid