Özünü qəsdən maşına çırpan piyadanın VİDEOsu

Belələri Azərbaycanda da var. Zaman-zaman bəzi yumoristik səhnəciklərdə və tamaşalarda bu mövzuya toxunulub. Özünü avtomobilə qəsdən çırpıb sonradan sürücünün var-yoxunu əlindən alan insanlar sən demə, dünyanın hər yerində varmış. Avtosfer.az-ın təqdim etdiyi bu görüntülər sosial şəbəkələrdə yayılıb. Lakin harada çəkildiyi bəlli deyil.

Sürücülərin diqqətinə çatdırmaq istəyirik ki, belə hallardan yaxa qurtarmaq üçün avtomobili ilk növbədə videoqeydiyyat kamerası quraşdırmaq lazımdır. Bundan əlavə, əgər tam əminsinizsə ki, piyada özünü qəsdən maşının altına atıb və ərazidə müşahidə kameraları var, o zaman çəkinmədən polisə müraciət edin. Çünki bu halda həmin fırıldaqçını həm qəzaya səbəb olmağa, həm də sürücünü şantaj etməyə görə cinayət məsuliyyəti gözləyir.

Elmin