Ağdamda iki avtomobil toqquşub, ölən və xəsarət alanlar var - FOTO

Ağdamda yol-nəqliyyat hadisəsi baş verib.

APA-nın məlumatına görə, hadisə Quzanlı qəsəbində qeydə alınıb. “Infiniti” və “Mercedes” markalı avtomobillər toqquşub. Hadisə nəticəsində “İnfiniti” markalı avtomobilin sürücü, Ağdam sakini, 1980-ci il təvəllüdlü Hüseynov Kamil Cabir oğlu aldığı xəsarətdən ölüb. Ağdam sakinləri - “Mercedes”in sürücüsü, 1991-ci il təvəllüdlü Şükürov Mobil Vidadi oğlu və sərnişini, 1997-ci il təvəllüdlü Şükürova Nuranə Budaq qızı isə yaralanıblar.