“Axmaq məktub” avtomobil nəhənginin qüsurlarını üzə çıxartdı  - FOTO
Avtosfer Foto 16 İyul 2021 09:52 Oxunub 1710
“Axmaq məktub”  avtomobil nəhənginin qüsurlarını üzə çıxartdı  - FOTO

1978-ci ildə avtomobil nəhəngi olan  General Motorsun  “Pontiac” bölümünə  qəribə bir məktub daxil olur. 

“ Siz məni bəlkə də axmaq sayacaqsız, amma  əmin edirəm ki, məndə hər şey qaydasındadır. Ailəmiz dondurma yeməyi sevir. Buna görə hər axşam övladlarımın seçimindən sonra marketə dondurma almağa gedirəm.   Bu yaxınlarda aldığım  sizin yeni "Pontiac"  hər dəfə dondurma aldıqdan sonra məni təəccübləndirir. Vanilli dondurma aldığım gün  avtomobil işə düşmür. Çiyələkli, şokoladlı və ya başqa bir dadlı dondurma alanda  bu problem yaşanmır. Mən başa düşürəm ki, bu bir qədər axmaqlıq kimi görünəcək, amma vanilli dondurma nədənsə avtomobilin işə düşməsinə təsir edir. Sizcə bu nə ilə əlaqədar ola bilər? “ 

Məktubu oxuyan   texniki dəstək xidmətinin əməkdaşları əvvəlcə bir xeyli gülürlər. Reqlamentə uyğun olaraq müştərinin evinə mühəndis göndərilir. İlk görüşdən bəlli olur ki, avtomobil sahibi adekvat, tərbiyəli və savadlı insandır. Buna görə mühəndis belə bir insandan qəribə məzmunlu məktub almaqlarından  əvvəlcə təəccübləndi. Sonra avtomobil sahibi ilə dükana yollanır.

 Və bu həqiqətdir! Avtomobil işə düşmür. Eksperiment bir neçə gün davam edir və nəticələr inanılmaz olur. Şokoladlı dondurma-avtomobil işləyir, çiyələkli yenə hər şey qaydasındadır. Vanilli dondurma ilə salona oturub avtomobili işə salmaq istəyəndə bütün ümidlər puç olur.  Eksperimentə gələn mühəndis də çox savadlı olduğundan inanmaq istəmirdi ki, avtomobilin vanilli dondurmaya allergiyası var. Buna görə mühəndis bütün detalları- vaxt, benzin, yanacaq doldurma məntəsəsi, hətta havanı da bir də araşdırmaq qərarına gəlir.

Və nəhayət nəticə bəllidir. Problem nə vanildə, nə də dondurmadadır. Problem məhsulun marketdə qoyulduğu ərazidədir.  Vanilli dondurma daha çox satıldığından onu düz marketin çıxışında yerləşdiriblər, digər dondurmalar isə bir qədər içəridə qoyulub.  Bəs o zaman  sahibi marketdən avtomobilə  tez qayıdanda maşın niyə işə düşmürdü?  Cavab tapılır- qısa zaman kəsiyində mühərrikin soyumağa vaxtı olmadığından benzinin sıx buxarlanması nəticəsində karbüratorda tıxaclar qalır.

Beləcə General Motors “axmaq məzmunlu” məktuba reaksiya verməklə avtomobildə nöqsanların olduğunu öyrənir və onu tez bir zamanda  aradan qaldırır.

FOTO QALEREYA
ŞƏRH YAZ
Ad

E-mail

Şərh