Bakıda sürücünün kobud qayda pozuntusu kameraya düşdü - 90 VZ 100 - FOTO

Bakıda tıxac zamanı hər kəs kimi dayanmağa səbri çatmayan sürücü hər fürsətdə əks yola çıxaraq kobud şəkildə qayda pozub. Avtosfer.az bildirir ki, 90-VZ-100 dövlət qeydiyyat nişanlı "Lexus" markalı avtomobilin sürücüsü Sabunçu rayonu Zabrat qəsəbəsində tıxacda dayananlara qarşı hörmətsizlik etməklə yanaşı qaydaları da kobud şəkildə pozub. O, qoşa xəttin tələbini bir yox, bir neçə dəfə pozaraq əks yola çıxıb və beləcə yolu hər kəsdən tez bitirməyə çalışıb.
Onu da qeyd edək ki, bu cür sürüşlə sürücü yalnız qayda pozuntusu etməklə kifayətlənə bilər, çünki hərəkətin sıx olduğu Bakı şəhərində bir maneəni keçsən də qarşıda digəri ilə qarşılaşırsan. Odur ki, səbrlə avtomobil idarə edib qaydalara əməl edərək mənzil başına çatmaq lazımdır.

Aysel