Bakıda avtobus dayanacağında biabırçılıq - FOTO

Bakıda avtobus dayanacağına ticarət köşkü qoyulub. Nəticədə biabırçı mənzərə yaranıb. Bu barədə fotolar Avtosfer.az-a oxucular tərəfindən göndərilib. Bildirilir ki, Rəşid Behbudov küçəsində - Bakı Slavyan Universitetinin yaxınlığındakı avtobus dayanacağına köşk qoyulub. Köşk düz səkinin kənarında yerləşdirilib. Müştəri köşkdən nəsə almaq üçün avtobusun yolunda durmalıdır. Bunu nəzərə alan köşk sahibi avtobus dayanacağına taxta ayaqaltı qoyub, biraz kənarda isə avtobusun dayanacağa tam daxil olmasını məhdudlaşdıran başqa maneə qoyulub. Bu o deməkdir ki, köşkün alveri sərnişinlərin avtobusa rahat-minib düşməsindən daha vacibdir.

Emin