Bakıda ortadan sınmış maşınla hələ də yük daşıyırlar; qapısı kəndirlə bağlanır - FOTO

Bakıda ömrünü başa vurmuş avtomobil hələ də yollarda hərəkət edir. Avtosfer.az xəbər verir ki, VAZ-21011 markalı, 39 BA 674 dövlət nömrə nişanlı avtomobilin fotoları Qaradağ rayonu ərazisində çəkilib. Ortadan sınmış bu maşın Lökbatan qəsəbəsində təsərrüfat malları mağazasının qarşısında dayanır. Maşının iki yerə bölünməsi bir yana, qapıları da sallanır, sürücü maşına yük yığandan sonra sükan arxasına keçir və qapını kəndirlə qaldırıb bərkidəndən sonra hərəkət edir. Avtomobilin səsboğucu sistemi yoxdur, bütün zəhərli qazlar ətrafa yayılır. 

Bəlkə də, kimsə çıxıb deyəcək ki, nə olsun, adam çörəkpulu qazanır. Amma unutmaq olmaz ki, qanunlar hər şeydən üstündür. Bu maşın kiminsə balasını vurub öldürsə o sürücü həbsə düşəcək. Bəs o zaman çörəkpulunu kim qazanacaq? Və ən əsası, bu cür maşınla yola çıxıb çörəkpulu qazanmaq əlinə avtomat alıb küçədə gəzərək camaatı qorxudub çörəkpulu qazanmaq kimi bir şeydir. İndi düşünün ki, əlində avtomatla küçədə gəzmək necə qadağandırsa bu cür maşınla yolda hərəkət etmək də o cür qadağandır. 

Elməddin