Ərşad Hüseynov Laçından radio verilişinə qoşuldu - "Qismətimdə bu da varmış..."

Tanınmış hüquqşünas,  yol hərəkəti təhlükəsizliyi üzrə ekspert Ərşad Hüseynov işğaldan azad olunmuş Laçın rayonunda "Düzgün hərəkət" verilişinə qoşulub.

Avtosfer.az xəbər verir ki,  bu barədə o öz Facebook sosial hesabında yazıb. "6 ildən artıqdır ki, yayımlanan radio verilişimizdə dəfələrlə belə dua eşitmişdim: Allah qismət eləsin, Laçından efirə çıxasınız!
Qismətimdə o da varmış...
Bu günü bizə qismət edənlərin ruhu qarşısında baş əyirəm. 
Laçından Düzgün Hərəkət-in canlı efirində."

Qeyd edək ki, Ərşad Hüseynov Laçın rayonunda doğulub. 1-ci Qarabağ müharibəsi veteranıdır.