Ucarda xəsarətlə nəticələnən yol qəzası baş verib. APA-nın xəbərinə görə, hadisə bu gün axsam saatlarında Ucar-Zərdab yolunun Ucar rayonunun Qazyan kəndindən keçən hissəsində qeydə alınıb. Belə ki, rayonun Lək kəndinin sakini, 1983-cü il təvəllüdlü Pərviz Əmirxan oğlu Cəbrayılov idarə etdiyi “VAZ 2107” markalı minik maşını ilə qarşısına çıxan üç iribuynuzlu heyvanı vurub. Nəticədə P.Cəbrayılov müxtəlif xəsarətlərlə Ucar Mərkəzi Rayon Xəstəxanasına yerləşdirilib.