16 yaşlı gənc qaçırdığı avtomobili betona çırpdı: Hadisə yerində öldü - FOTO + VİDEO

Türkiyənin Aydın-İzmir avtomobil yolunda 16 yaşlı gəncin idarəetməsindən çıxan maşın beton səddə çırpılıb. Avtosfer.az xəbər verir ki, qəzanın şiddətindən maşın deformasiyaya uğrayaraq yanıb. Nəticədə gənc oğlan hadisə yerində aldığı xəsarətlərdən ölüb. Bu barədə İHA xəbər portalında məlumat dərc olunub. Hadisə yerinə tibb, xilasetmə və polis əməkdaşları cəlb edilib.

Araşdırma zamanı məlum olub ki, hadisə yerində həyatını itirən 16 yaşlı O.K., sürücülük vəsiqəsi olmayıb. O, avtomobili ailəsinin icazəsi olmadan evin qarşısından qaçırıb.

Polis qəza ilə bağlı araşdırmalar aparır.

Namiq