3 maşın biri-birinə çırpıldı: 21 yaralı – VİDEO

Türkiyənin Isparta əyalətində 2 avtomobilin və 1 mikroavtobusun iştirakı ilə zəncirləmə yol qəzası baş verib. Qəzanın şiddətindən nəqliyyat vasitələri deformasiyaya uğrayıb.

Avtosfer.az DHA-ya istinadən xəbər verir ki, nəticədə mikroavtobus sürücüsü ilə birlikdə 13 nəfər, maşınlarda isə sürücülərlə birlikdə 8 nəfər xəsarət alıb.

Qəzadan sonra hadisə yerinə çoxlu sayda tibb, xilasetmə və yanğınsöndürmə briqadaları cəlb edilib.

Nəqliyyat vasitələrində sıxışan yaralılar xilasedicilər tərəfindən çıxarılaraq təcili tibbi yardım maşınları ilə xəstəxanalara yerləşdiriliblər.

Yaralıların vəziyyətinin normal olduğu bildirilib.

Polis qəza ilə bağlı araşdırmalar aparır.

Namiq