Avtomobildən içində 300 min olan iki çanta oğurlandı: polis hər yerdə onları axtarır - VİDEO

İşlədiyi şirkətə aid maaşları bankdan götürərək avtomobilinə qoyan mühasib, onu maşınla izləyən soyğunçular tərəfindən, istirahət kompleksinə girdikdən sonra soyulub. Avtosfer.az Türkiyə mətbuatına istinadən xəbər verir ki, hadisə İstanbulun Tuzla əyalətində baş verib. Hadisə istirahət mərkəzinin təhlükəsizlik kamerası tərəfindən qeydə alınıb.

Videoda mühasibin park etdiyi avtomobilə bir maşın yaxınlaşdığı və içindən bir nəfər maskalı şəxsin endiyi görülür. Şəxs avtomobilin arxa yan şüşəsini sındıraraq içində 300 min lirə olan iki çantanı götürərək gəldiyi maşına qoyaraq hadisə yerindən qaçıb.

Mühasib maşınına qayıtdıqda arxa şüşənin sınmış vəziyyətdə olduğunu və pulların oğurlandığını görüb dərhal polisə məlumat verib.

Hadisə yerinə gələn polis təhlükəsizlik kameralarını araşdırdıqdan sonra onların yaxalanması üçün hərəkətə keçib.

Namiq