Avtomobilini 5 maşına çırparaq qaçdı - VİDEO

Türkiyənin Qırıqqala vilayətində park edilmiş 5 nəqliyyat vasitəsini vuraraq qaçan avtomobil sürücüsü polislər tərəfindən yaxalanıb. Avtosfer.az xəbər verir ki, qəza anı təhlükəsizlik kamerası tərəfindən qeydə alınıb.

İHA xəbər portalının məlumatına görə, qəza “Millət Bulvar”da gecə saatlarında baş verib.

Kadrlarda yüksək sürətlə hərəkətdə olan avtomobil yol kənarında park edilmiş maşınlara çırpılaraq qaçdığı görülür. Nəqliyyat vasitələrinin sahibləri vəziyyəti dərhal polis şöbəsinə məlumat veriblər. Hadisə yerinə gələn polis araşdırmalara başlayıb. 5 avtomobildə maddi ziyan meydana gəldiyi məlum olub. Təhlükəsizlik kamerasının qeydə aldığı görüntülərə baxış keçirən polis əməkdaşları qaçan sürücünü qısa müddət ərzində yaxalayıblar.

Hadisənin dəqiq səbəbləri araşdırılır.

Avtosfer.az İHA-ya istinadən həmin anları təqdim edir:

Namiq