Bakıda sürücü qəza şəraiti yaradıb qaçdı: Müəmmalı məqamlar var - VİDEO

Sosial şəbəkələrdə yayılmış bu görüntülər izləyənlər tərəfindən birmənalı qarşılanmayıb. Avtosfer.az xəbər verir ki, 28.02.2019-cu il tarixində, saat 20:09 radələrində, Bayıl qəsəbəsinin ara küçələrinin birində ("Balkon" restoranından "Crown" otelə düşən dar yol) hərəkət edərkən qəfildən yüksək sürətlə gələn 90 MC 642 dövlət nömrə nişanlı avtomobil sürücünün qarşısına çıxır. Avtomobili sürənin azyaşlı olduğunu bildirən videonu yayan şəxs dərhal qaçdığını qeyd edir.

Görüntülərdə də sürücünün sanki kimdənsə qaçdığı hiss olunur. Avtomobildə sol tərəfində olan vuruq izləri də təəccüb yaradıb. İzləyicilər sürücünün ya maşını evdən qaçırdan azyaşlı, ya oğurlanmış olması, yaxud da bundan əvvəl qəzaya düşməsini qeyd edirlər.

Avtomobilin işıqları  da söndürülmüş vəziyyətdədir. DYP məsələni araşdıra və həqiqəti ortaya çıxara bilər.

Fərid