Bu küçədə "protiv" getmək adətdir: yol polisi və kamera olmayanda - VİDEO - FOTO

Paytaxtın Şah İsmayıl Xətai küçəsində mövcud bir neçə problem var. Bu da daimi tıxaca səbəb olur. Xüsusilə də Təhsil Nazirliyinin qarşısında olan tıxac problemi həllini tapmır. Belə ki, burada kəsişən küçələrdə işıqforun işığının yanma saniyəsi azdır. Eyni zamanda sürücülər də çıxıb yolun ortasında dayanır. Bununla da əsas yolu bağlayırlar. 

Ən maraqlısı isə bundan sonra baş verir. Tıxacda qalmaq istəməyən bəzi "ağıllı" sürücülər isə qarşı yola çıxırlar. Bununla da tıxacın müddətini daha da artırırlar. 
Elə Avtosfer.az-ın əməkdaşı təkcə bu gün 15 saniyə ərzində iki qayda pozan sürücünü qeydə alıb. Belə ki, 99 NE 029 dövlət nömrə nişanlı avtomobilin sürücüsü əvvəlcə qarşı yola çıxır, daha sonra isə işıqforun qırmızı işığında keçir. 

Daha bir avtomobil isə yenə qarşı yola çıxaraq təhlükə yaradır. 90 ZJ 500 dövlət nömrə nişanlı avtomobilin sürücüsü də özünü digərlərindən üstün bilənlərdəndir. Ümid edirik ki, yol polisi adıçəkilən ərazidə kamera müşahidəsini artıracaq, orada YPX əməkdaşı xidmət aparacaqlar.

Orxan