Bu ölkədə stress atmaq üçün maşınları dağıdırlar – VİDEO

Niderlanddan olan bir şirkətin əməkdaşları işlə bağlı stress və qəzəbdən azad olmaq üçün qeyri-adi bir vasitəyə əl atıblar. Avtosfer.az oxu.az-a istinadən xəbər verir ki, iş münaqişəsindən qəzəblənən işçiyə çöldə olan köhnə maşınları çəkic, taxta və dəmir dəyənəklərlə dağıtmaq təklif olunur. Bu alternativ metoda “dağıtma terapiyası” adını veriblər. Alternativ yanaşma stress keçirən işçilərin ürəyincə olub. “Terapiya” həm təklikdə, həm də kollektiv şəkildə gerçəkləşdirilir. “Maşınları çox sevirəm. İstəməzdim mənim maşınım belə günə düşsün. Ancaq bu (terapiya) avtomobilin, əslində, necə dağıldığını öyrənməyə imkan verir. Mən konsaltinq şirkətində çalışıram, hər gün müxtəlif insanların problemlərini həll etməyə çalışırıq.

Hesab edirəm ki, bu,  yığılan qəzəbdən qurtulmağın əla yoludur”,  - deyə proqrama cəlb olunmuş işçilərdən biri söyləyib.