Gecə vaxtı qırmızı işıqda dayanmaq qadağandır? - VİDEO

Oxucularımızdan biri Avtosfer.az portalına 4 mart saat 23:51 radələrində, 90 PX 689 dövlət qeydiyyat nişanlı "Niva" markalı avtomobilin sürücüsünün ardıcıl iki dəfə svetoforun qırmızı işığında hərəkəti davam etdirməsi ilə bağlı videogörüntü göndərib.

Sürücü əvvəlcə Azadlıq prospekti ilə Dilarə Əliyeva, daha sonra isə Nizami küçələrinin kəsişməsində işıqforun qırmızı işığında hərəkəti davam etdirir.

Xatırladaq ki, qayda pozuntuları ayrı-ayrı küçələrdə və aralarında zaman fasiləsi olmaqla baş verdiyi üçün hər iki hal üçün ayrıca protokol tərtib olunmalıdır. Amma sanki sürücü  əmindir ki, DYP əməkdaşları onun bu hərəkətini görsə belə ona protokol yazılmayacaq. Videogörüntü sosial şəbəkədə paylaşılandan sonra izləyicilərdən bəziləri sürücünün YPX əməkdaşı olduğunu bildirib.

 Ümid edirik ki, DYP rəsmiləri tezliklə sürücünün kimliyini müəyyən edib ona protokollar yazılmasını təmin edəcək.

Avtosfer.az görüntüləri təqdim edir.

Kənan