İçərsində 29 sərnişin olan avtobus yandı - VİDEO

Türkiyənin Manisa vilayətində hərəkətdə olan sərnişin avtobusu yanıb. Avtosfer.az DHA-ya istinadən xəbər verir ki, mühərrik hissəsindən başlayan yanğın bir anda avtobusu bürüyüb.

Sürücü avtobusu saxlayaraq, içərsində olan 29 sərnişini təxliyə edib. Hadisə nəticəsində ölən və ya xəsarət alan olmayıb. Əraziyə yanğınsöndürmə, xilasetmə və tibb əməkdaşları cəlb edilib.

Yanğın yanğınsöndürənlər tərəfindən söndürülüb.

Sərnişinlər digər avtobusla yollarına davam ediblər.

Polis yanğınla araşdırmalara başlayıb.

Namiq