Polis avtomobili ilə zibil maşını toqquşdu: 2 polis xəsarət alıb - FOTO

Türkiyənin Dənizli əyalətində polis avtomobili ilə zibil daşıyan maşın toqquşub. Avtosfer.az Türkiyə mətbuatına istinadən xəbər verir ki, toqquşmanın şiddətindən zibil maşını aşaraq sürüklənib. Hadisə nəticəsində iki polis xəsarət alıb.

Qəza yerinə çox sayda polis və tibb əməkdaşları cəlb olunub.

Yaralılara ilkin tibbi yardım edildikdən sonra xəstəxanaya aparılıblar.

Aşan zibil maşınından çıxan təmizlik işçiləri yola tökülən zibilləri və qəza əsnasında avtomobillərdən qopan parçaları toplayıblar.

Polis hadisə ilə bağlı araşdırmalara başlayıb.

Namiq