Qəbir üstünə gedən gənclərin maşını 3 metrdən yerə çırpıldı - FOTO

İstanbulun Beykoz rayonunda qəbir üstünə gedən iki gənc qəzaya düşüb. Avtosfer.az Türkiyə mətbuatına istinadən xəbər verir ki, yaxınlarını ziyarət etdikdən sonra avtomobillə qayıdan gənclər, qəbiristanlığın daxilindəki yolda arxaya manevr etdikləri anda, maşın geriyə hərəkət edərək 3 metr yüksəklikdən yerə çırpılıb.

Gənclərdən biri arxası üstə çevrilən avtomobildən çıxa bilib. Digəri isə deformasiyaya uğramış maşında sıxılaraq qalıb.

Hadisə yerinə çağırılan xilasetmə qüvvələri gənci sıxışdığı yerdən çıxararaq tibb əməkdaşlarına təhvil veriblər.

Polis qəza ilə bağlı araşdırma aparır.

Namiq