Sənədə görə polisi sürüyən şəxsi maşın vurdu - VİDEO

Yol polisi əməkdaşı, saxladığı avtomobilin sürücüsündən sənədləri tələb edib. Ancaq sürücü sənədləri verməkdən imtina edərək, ayağını qaza basıb. Polis əməkdaşı hərəkətdə olan avtomobilin sükanından möhkəm sallaşıb. Sürücü və inspektor hərəkətdə olan maşında sükan uğrunda mübarizə apararkən, avtomobil park edilmiş maşına çırpılır. Bu anda polis sükanı buraxaraq özünü yola atır. Avtomobillərin arasında sıxışmaqdan son anda xilas olan inspektor, maşında olan şəxslərin arxasınca düşür.

Avtomobildə olan sərnişinlər isə maşından düşərək ara küçələrə doğru qaçırlar. Polis sürücünü yaxalamaq üçün yanına gəlir. Qovalanan sürücü sərnişin oturacağından çıxaraq qarşı yola keçməyə çalışır. Bu zaman yolda keçən avtomobil onu vurur. Yüngül xəsarət alan sürücü həbs olunub.

Polis sürücü və qaçan şəxslərlə bağlı araşdırmalara başlayıb.

Avtosfer.az DHA-ya istinadən Tatarıstanın paytaxtı Kazan şəhərində baş verən hadisənin videosunu təqdim edir:

Namiq