Sərxoş sərnişin təyyarədə stüardessanı yumruqladı - VİDEO

Təyyarə sərxoş sərnişinə görə təcili eniş edib. Avtosfer.az DHA-ya istinadən xəbər verir ki, Rusiyanın Sankt-Peterburq şəhərindən Antaliyaya uçan Rusiya Hava Yollarına məxsus sərnişin təyyarəsində, sərxoş sərnişin mübahisə etdiyi stüardessanı yumruqlayıb. Ekipaj üzvlərini təhqir edib hədə-qorxu gələn 33 yaşlı Rus sərnişini, əməkdaşlar güclə sakitləşdirib.

Aldığı zərbələrin təsirindən halı pisləşən qadına ilkin tibbi yadım göstərilib.

Dava-dalaş salan sərxoş sərnişini təhlükəsizlik əməkdaşlarına təslim etmək üçün pilot marşrutu dəyişərək Soçi şəhərinə təcili eniş edib.

Sərnişin təslim etdikdən sonra təyyarə yenidən havalanaraq Antalyaya yol düşüb.

Rusiya Daxili İşlər Nazirliyi hadisə ilə bağlı araşdırma apardığını açıqlayıb.

Namiq