Sumqayıtda taksi sürücüləri aksiya keçirir – CANLI VİDEO

Sumqayıt şəhərində taksi sürücüləri etiraz edirlər. Minval.info xəbər verir ki, “Maxim” və “Omega” taksi şirkəti ilə çalışan sürücülər bildirirlər ki, şirkət gedişhaqqı kimi təqdim etdiyi minumum qiymət çox azdır, bu da sürücülərə sərf etmir. “Bakıda eyni şirkət, eyni məsafəyə görə 2.70 AZN istəyir, amma sumqayıtda 1.30 AZN. Üstəlik bu 1.30-dan da 35 faiz özünə götürür. Belə haqsızlıq olar? Kilometrlərlə yol gedirik, sonda 90 qəpik bizə pul qalır. Bu maşın Bakıda da, sumqayıtda da benzinlə işləyir. Niyə orada noral qiymətdir, bizdə ucuz? Biz benzini, maşının ehtiyyat hissələrini ucuz alırıq ki?” – deyən narazı sürücülər, problemlərinin həll olunmasını tələb edirlər.

Sürücülər bildiriblər ki, Sumqayıtda bir neçə taksi şirkəti fəaliyyət göstərir və hamısı da eyni şəxsə məxsusdur: “Fərqli nömrələr və adlarla eyni şəxsə məxsus şirkətlərdir. Hamısında da qiymət eynidir deyə bizim fərqli şirkətlə işləmək şansımız yoxdur”.