Vətəndaş şikayət etdi: iki sürücü cərimələndi - FOTO - VİDEO

Vətəndaşlardan biri keçən ilin dekabr ayının 17-də Yeni Yasamal qəsəbəsi, Xiyabani küçəsində 02 BX 996 dövlət qeydiyyat nişanlı "Mercedes" markalı avtomobilin sürücüsünün yol hərəkəti qaydalarını pozduğunu əks etdirən videogörüntü paylaşmışdı və həmin sürücüdən DYP rəsmilərinə şikayət etdiyini bildirmişdi.

Maraqlısı odur ki, 24 dekabr tarixində də həmin küçədə 10 AP 079 dövlət qeydiyyat nişanlı "Nissan" markalı avtomobilin sürücüsü də eyni qaydanı pozmuşdu və ondan da rəsmi şikayət olunmuşdu.

Şikayət məktubları aidiyyatı üzrə Yasamal RPİ DYP şöbəsinə yönləndirilib artıq cavab məktubları vətəndaşa təqdim olub. Hər iki sürücüyə İnzibati Xətalar Məcəlləsinin 327.4 maddəsi ilə (100 manat, 4 bal) protokol tərtib olunduğunu öz əksini tapıb. Maraqlısı odur ki, bu videolar sosial şəbəkələrdə paylaşılan zaman əksəriyyəti rəylərdə "AP" seriyalı avtomobilə protokol tərtib edilməyəcəyi fikrində idi.

Avtosfer.az olaraq bütün vətəndaşlara qarşı eyni mövqedə dayandıqlarına görə Yasamal RPİ DYP şöbəsinin səlahiyyətlilərinə öz təşəkkürümüzü bildirir, sürücüləri isə qaydaları pozmamağa səsləyirik. Videogörüntüləri və cavab məktublarını təqdim edirik:

Kənan