Xidməti avtomobillər bu yolda "protiv" gedir: "AA", "AS" seriyaları - VİDEO

Yenə də Azadlıq prospekti. Yenə də əks yola çıxan xidməti avtomobil sürücüsü. Avtosfer.az saytında mütəmadi olaraq Azadlıq prospektində əks yola çıxan xidməti avtomobillərin görüntüləri dərc olunub. Bu gün, 5 mart, saat 08:56 radələrində yenə də başqa bir xidməti avtomobil - 90 AS 855 dövlət qeydiyyat nişanlı "Toyota" markalı avtomobilin sürücüsü əks yola çıxaraq hərəkətini davam etdirib. Görünür ki, həmin ərazidəki kameralara nəzarəti gücləndirməyə ehtiyac var.

Qeyd edək ki, bir neçə gün əvvəl eyni yerdə daha iki avtomobil qaydanı eyni şəkildə pozmuşdu. Onlardan biri də MSK sədri Məzahir Pənahovun sürücüsü idi. Həmin sürücü üşüncü dəfə idi ki, bu yerdə qaydanı pozurdu.

Görüntüləri təqdim edirik.