Yük maşını 4 avtomobili əzərək binaya çırpıldı: 2 ölü, 2 yaralı - VİDEO

Türkiyənin Kayseri vilayətinin Dəvəli rayonunda əyləci sıradan çıxan yük maşını əvvəlcə park edilmiş 4 nəqliyyat vasitəsinə sonra da 3 mərtəbəli binaya çırpılaraq aşıb.

Avtosfer.az DHA-ya istinadən xəbər verir ki, qəzanın şiddətindən binanın giriş hissəsi dağılıb və 4 maşına da ciddi maddi ziyan dəyib. Hadisə nəticəsində yük maşınında olan 2 nəfər ölüb, binanın qarşısında dayan 2 nəfər isə xəsarət alıb.

Yaralılar hadisə yerinə gələn təcili tibbi yardım maşınları ilə Dəvəli Dövlət Xəstəxanasına yerləşdiriliblər.

Polis qəza ilə bağlı araşdırmalara başlayıb.

Namiq