Yük maşını avtomobillə toqquşaraq aşdı: 4 yaralı - VİDEO

Türkiyənin Kocaeli vilayətinin İzmit rayonunda əyləci xarab olan yük maşını idarəetmədən çıxaraq qarşı yoldan gələn avtomobillə toqquşub. Avtosfer.az İHA-ya istinadən xəbər verir ki, qəzanın şiddətindən yük maşını aşıb və tüstüləməyə başlayıb. Nəticədə 4 nəfər xəsarət alıb. Hadisə yerinə tibb, yanğınsöndürmə və polis briqadaları cəlb edilib. Yaralılar təcili tibbi yardım maşınları ilə xəstəxanaya yerləşdiriliblər.

Yanğınsöndürmə briqadaları yük maşınından çıxan tüstüləməni yanğına çevrilmədən qarşısını alıblar.

Polis qəza ilə bağlı araşdırmalara başlayıb.

Namiq