“Aurus” dan imtina edən təkcə Kim Çen In deyil - FOTO

 Bu günlərdə dünya mediası Şimali Koreya liderinin avtomobilini yenidən dəyişdiyi barədə məlumat verdi. Qapalı ölkənin rəhbəri tədbirə bahalı “Maybach”la getmişdi. 
Əslində burada qeyri-adi heç nə yoxdur. In da babası və atası kimi “Mercedes” aşiqidir. Lakin bu dəfə vəziyyət bir qədər fərqlidir.

Avtosfer.az xəbər verir ki, bir müddət əvvəl Rusiya Prezidenti Vladimir Putin Şimali Koreyanın rəhbərinə “Aurus” hədiyyə etmişdi. Inın bu avtomobillə vacib tədbirlərə getməsini Rusiya mediası gen-bol reklam elədi.  
Bundan sonra (mayın ortalarında) Rusiyada bir qrup “fəal” ortaya “niyə müttəfiqimiz olan Belarusun rəhbəri bu maşından istifadə etmir?” sualını ortaya atdılar. Belarus tərəfindən bu suala cavabı ölkənin Rusiyadakı səfiri Dmitri Krutoy verdi. Diplomat bildirdi ki, bunun üçün ilk növbədə avtomobil münasib qiymətə təklif edilməlidir. 
Rusiya saytlarında avtomobilin minimal qiyməti 700 000 manat göstərilir. Bu da Avropanın bir çox lüks avtomobilindən daha bahadır. Çin istehsalı olan “Honqqi” təxminən 150 min dollara təklif edilsə də, komplektasiyasına görə “Aurus”dan geri qalmır. 

Hazırda Belarus Prezidenti Aleksandr Lukaşenko “Mercedes-Maybach” limuzinindən istifadə edir. Amma onun vaxtaşırı “Belaz” avtomobilləri və “Belarus” traktorlarının sükanı arxasında da görmək mümkündür.

Vüqar Yaşaroğlu