![Bakıdakı yataqxanada rütubətdən ağac bitib: Qurumlardan reaksiya yoxdur - FOTO](/upload/news/small/2346349.png)
Avtomobilin salonunda ən çirkli detal: heç kim təmizləmir
![Avtomobilin salonunda ən çirkli detal: heç kim təmizləmir](/upload/news/2226787.jpeg)
Avtomobilin yuyulması prosesi adətən belədir: kuzov yuyulur, təkərlər qaraldılır, salon və yük yeri təmizlənir, vəssalam. Lakin salonda bir detal var ki, bunu demək olar heç kim təmizləmir.
Avtosfer.az xəbər verir ki, avtomobilin salonunda ən çirkli detal sükandır. Bura hər gün sürücü əllə təmas etdiyi üçün çirk yığılır, yağ təbəqəsi əmələ gəlir. Bəzi sürücülər bunu yaş salfetlə təmizləyir. Lakin bu doğru deyil. Salfetdəki kimyəvi maddələr sükanın örtüyünü korlayır, lakin təmizləmir.
Ən rahat və səmərəli üsul isə təmiz bez parçası, qabyuyan maye və ilıq sudan istifadə edərək təmizləməkdir. Qabyuyan maye suda həll edilir, alınan köpük sükanın bütün səthinə sürtülür. Burada ifrat çox sudan istifadə edilmədikdə heç bir təhlükə yoxdur. 10-15 dəqiqə gözlədikdən sonra sükan təmiz suda isladılmış əski ilə yuyulur. Sonra isə qurulanır. Bu yolla yağ təbəqəsi aradan götürülür, sükanda sürüşkənlik aradan qalxır. Bu proseduru 2-3 ayda 1 dəfə etmək kifayətdir.
Vüqar